چاویلکە زیرەکەکەی مێتا و ڕەی – بان، ڕەنگە جیهان بگۆڕن!

ڕێباز ئەحمەد (بازۆ) دەتوانیت پەیوەندیی ڤیدیۆیی ئەنجام بدەیت بەبێ ئەوەی مۆبایلەکەت بگریت. کاتێک پەیامێکت بۆ دێت لە واتسئاپ، مەسنجەر، یان ئیمەیڵ، ئاگادارییەکەی لەناو چاویلکەکەدا دەردەکەوێت.

مێتا بە هاوکاریی Ray-Ban، چاویلکەیەکی زیرەکی بە ناوی “Meta Ray-Ban Display” نمایشکرد .

سەبارەت بە تایبەتمەندییەکانی چاویلکە زیرەکەکەی مێتا و (دەستبەندە دەمارییەکەی):

چاویلکەکە بە شاشەیەکی بچووک و ڕوون لەناو قەپاغی چاوی ڕاستدا دروست کراوە کە وەک شاشەی مۆبایلێکی بچووک وایە.
ئەمەش چەندین تایبەتمەندیی نوێ دێنێتە کایەوە:
🟣 خوێندنەوەی پەیامەکان و وەڵامدانەوەیان: کاتێک پەیامێکت بۆ دێت لە واتسئاپ، مەسنجەر، یان ئیمەیڵ، ئاگادارییەکەی لەناو چاویلکەکەدا دەردەکەوێت.

بۆ نموونە: پەیامێک لە هاوڕێیەکەتەوە دێت: “ئەمڕۆ دەچینە سینەما؟” لەبری ئەوەی مۆبایلەکەت دەربکەیت، پەیامەکە لەسەر شاشە بچووکەکە دەبینیت و دەتوانیت بە دەنگ یان بە چەند جووڵەیەکی دەست وەڵامی بدەیتەوە.

🟣 پەیوەندی ڤیدیۆیی ڕاستەوخۆ: دەتوانیت پەیوەندیی ڤیدیۆیی ئەنجام بدەیت بەبێ ئەوەی مۆبایلەکەت بگریت. کامێرای چاویلکەکە ڕووەکەی پێشەوەی تۆ دەگرێت و ئەوانی دیکەش لەسەر شاشە بچووکەکەی تۆ دەردەکەون.

بۆ نموونە: کاتێک لە دەرەوەیت و هاوڕێیەک پەیوەندیی ڤیدیۆیی لەگەڵت دەکات، تۆ دەتوانیت بە پەنجەکانت وەڵام بدەیتەوە و لە ڕێگەی چاویلکەکەوە قسە بکەیت، لە کاتێکدا دەستت و مۆبایل بەکارناهێنی.

🟣 ژێرنووسی ڕاستەقینە لەگەڵ وەرگێڕان: ئەم تایبەتمەندییە دەنگی کەسانی دیکە دەکات بە نووسین (ژێرنووس) و دەتوانێت ڕاستەوخۆ وەری بگێڕێت.
هەر بۆ نموونە: لە کۆبوونەوەیەکدا لەگەڵ کەسانێکی بیانی، دەنگی قسەکەرەکە دەبێتە ژێرنووسی نووسراو لەسەر شاشەکە.
ئەگەر بە زمانی تر قسە بکەن، دەتوانیت وەری بگێڕیتە سەر هەر زمانێک کە خۆت دەتەوێت.

🟣 ئاراستەکردنی ڕێگاوبان (Turn-by-turn directions): لەبری ئەوەی لەسەر مۆبایلەکەت نەخشە بکەیتەوە، ڕێنماییەکان لەسەر شاشەی چاویلکەکە دەردەکەون.

نموونە: لە کاتی ڕۆیشتندا بەپێ، چاویلکەکە بە تیر (arrow) و نووسین ڕێنماییت دەکات کە “لێرەدا بۆ لای چەپ بڕۆ” یان “100 مەتر بڕۆ بۆ پێشەوە،بێ ئەوەی پێویست بە سەیرکردنی مۆبایلەکەت بکات.

🟣 یارمەتیی ژیریی دەستکرد (AI Assistance): دەتوانیت پرسیار لە یارمەتیدەرە ژیرەکەی ناو چاویلکەکە بکەیت بە دەنگ.

بۆ نموونە: دەڵێیت “جیمی، کەشوهەوای سبەی چۆنە؟ و یارمەتیدەرەکە وەڵامەکەی لەسەر شاشە بچووکەکە پیشان دەدات یان بە دەنگ وەڵامت دەداتەوە.

⚫️ دەستبەندە دەمارییەکە (Neural Band)
ئەم دەستبەندە تەکنەلۆژیایەکی زۆر پێشکەوتووە و کاری سەرەکییەکەی خوێندنەوەی سیگناڵە دەمارییە بچووکەکانە لە ماسولکەکانی دەستتدا.
ئەمەش واتای وایە دەتوانیت تەنها بە بیری ئەنجامدانی جووڵەیەک، کاریگەریی تەواوی لەسەر چاویلکەکە هەبێت.